Aprende sei prosesu laos resultadu final

LIAN HUSI BENNY

iha nebe'e deit ita hatene katak prosesu estuda iha universidade hanesan deit, maibe tamba sa mak ita ema akademiku sira sempre halo protesta ba mestri sira?

tamba sa mak ita nunka halo protesta ba ita nia an katak ita ne'e estudante duni baihira la tuir ona dever estudante nian.

tamba sa mak ita sempre dehan maneira mestri sira nia lalos?

tamba sa mak ita nunka reflete ita nia an katak ita ne'e estudante duni ga lae?

hau so hateten deit ba maluk sira katak baihira ita hatene ita ne'e estudante karik entaun ita la presija buka rajaun oin-oin, tamba iha nebe'e deit ita nia servisu mak estuda ona laos buat seluk fali. iha nebe'e deit ita sempre moris iha preosesu aprende nia laran atu nune'e ita labele fo sala ba ita nia maun/bin sira nebe'e iha vontade hanorin ita, sira mos la perfeito maibe sira kompleta ita ho buat ne'e iha. i laos ita estudante deit ma aprende maibe sira mos aprende ho ita. maibe ita sempre fo sala ba ita nia mestri sira tamba ita nunka halo reflesaun ba ita nia an rasik.

matenek nain sira dehan katak atu aprende hodi hatene ne'e laos iha eskola deit maibe iha nebe'e deit,

no hakarak atu hatene buat ida ita tenki rona ema hotu i labele hare ba ema ne'e. tamba iha ita nia rai hau hare sei iha arogansia mak barak. 

aprende oituan komesa halo a'an ona, ne'e ladiak i sei la diak duni. iha ne'e deit ema sira nebe'e matenek ne'e tamba nakloke ba ema hotu i la hare ba ema ne'e kikik ka bo'ot.

aprende sei prosesu laos resultadu final.