Hanoin barak no halerik ho lian esperansa, Bainhira mak domin ne’e too los mai

Hanoin barak no halerik ho lian esperansa, Bainhira mak domin ne’e too los mai

Ita bele kuñese ita nia domin ne’ebe loloos. Kuñese ne’e bele liu husi fuan no sinal domin ne’ebe ita la espera akontese. Bainhira ita senti buat ruma, nia mos sei senti hanesan ho ita. Iha parte ida seluk moos, ema ne’ebe ita hadomi simu ita ninia frakeza no esforsu fo-tulun ita bainhira ita iha situasaun difisil, no lakon esperansa. Iha situasaun hirak ne’e mak nia sempre buka dalan ba ita, ida ne’e hatudu ita nia domin loloos mak ema ne’e. Ita tanis, haksolok no laran kanek: sempre fahe sentimentu ne’e hamutuk, ida ne’e moos hatudu fini ka prezente ida ne’ebe mak Nai-Maromak prepara ba ita bainhira ita seidauk moris. Apresia domin ne’ebe mak hatudu momos sinal domin ne’e. Tamba ema barak defisil atu hetan ida ne’e. Labele halakon domin ne’e bainhira domin ne’e aserta tiha ona. Sekarik, la kuidadu mak nia halai sei la fila tan kotuk hodi fó-kuitadu.     

Liu tiha tinan barak, hau foin mak hetan loloos hau ninia identidade. Hau nia identidade mak luku iha mundu aprende ne’ebe ho papel servisu sadere liuba liafuan Mamuk may be no isin sentido no valor bot tebes,  Hau nia moris loro-loron sempre nakonu ho mundu imazinasaun. Tamba ne’e mak, hau espresa hau nia-an liu-husi expresaun “hola future komesa agora”.

Ida ne’e signifika katak hau nia mundu imazinasaun ne’e rasik boot tebes, maibe ida ne’e la signifika katak hau nu’udar ema nebe perfetiu, resposta katak la’e. Hau sempre rekoñese hau ninia frakeza liu-liu dalan oinsa hasoru ka ultrapasa difikuldade sira ne’ebe hau hasoru lor-loron. Tamba ne’e, iha hau nia hanoin rasik hau taka ho espresaun ida ne’ebe hateten: “ iha  hau nia istoria moris katak “hau hadomi los ita maybe susar hau atu koalia tan deit hau tauk”

By Salis